Məişət Texnikası
İdeal nəticə? Qırıntılardan başqa heç nə qalmadı
Bosch sobanız və çörək bişirmə inqrediyentlərinə təzə perspektivinizlə siz şirin həyata hazırsınız. Sizin və sobanızın nə edə biləcəyinizi öyrənin.
Bu, sadəcə çox isti hava deyil.
4D Hotair sayəsində müvəffəqiyyət Bosch sobanızla birlikdə gəlir. Fan çarxı avtomatik olaraq hər 3 dəqiqədən bir istiqaməti dəyişir və istiliyi bütün boşluğa bərabər şəkildə paylayır. Nəticədə, bütün ləzzətli məmulatlarınızı mükəmməl şəkildə bişiriləcəyindən əmin olaraq dörd rəfi birdən yükləyə bilərsiniz. Bir partiya peçenyeni yanlış rəfə qoysanız belə, siz və digər peçenye canavarlarınız çətin ki, bunun fərqinə varsınlar.
PerfectBake funksiyasına malik modellər həqiqətən işin öhdəsindən gəlir. Sensorlar yeməyinizin nəmlik səviyyəsini ölçür və bu ölçmələri mükəmməl çörəklər, tortlar, kişlər və s. təmin etmək üçün temperaturu, istilik parametrlərini və bişirmə vaxtını avtomatik tənzimləmək üçün istifadə edir.
Fərqli olandan qorxma.
Un məmulatlarının sadəcə yağ, un, şəkər və yumurtadan ibarət olduğunu düşünürsünüz? Soba nimçəsini qeyri-adi inqrediyentlərlə doldurun ki, bu da yemək bişirməkdə olduğu kimi çörək bişirməkdə də yaradıcı ola biləcəyinizi sübut etsin.
Kakaonun gücü.
Çox şokolad? Bu tort sizin üçündür.
Bir çox insan üçün şokolad ən böyük həzzdir. Bəli, onun duyğularımıza, beynimizə və psixikamıza müsbət təsirləri var, eyni zamanda da çox ləzzətlidir. Düşünürük ki, bu, tortu sınamaq üçün yetərli səbəbdir.
Addım 1: İnqrediyentlər və qablar | 10 porsiya üçün.
- Kənarları açılan qab 20-22 sm ölçülərində
- 150 qr tünd şokolad
- 100 qr kərə yağı
- 5 ədəd yumurta, M ölçüsü
- 140 qr şəkər
- Bir çimdik duz
- 3 x.q. kakao tozu
- 90 qr un
- 1 x.q. qabartma tozu
- 150 qr qırmızı qarağat
- 1-2 ədəd təzə şaftalı
- 2 x.q. üzərinə səpmək üçün şəkər pudrası
Addım 2: Xəmiri hazırlayın.
Şokoladı kiçik parçalara ayırın və kərə yağı ilə birlikdə qaynar su ilə dolu bir qazanın üzərində əridin.
Yumurtaları ayırın. Sarıları, 60 qr şəkər və duz ilə OptiMUM qida prosessorlarımız kimi bir mikserdə çalın. . SensorControl mükəmməl yüngül və kremli konsistensiya əldə etməyinizi təmin edir. Siz daha çox inqrediyent əlavə etdikcə onun planetar qarışdırma sistemi onların hamısını mükəmməl şəkildə birləşdirəcək.
Kakao tozu, un və qabartma tozunu qarışdırın. Kremli yumurta qarışığına şokolad və yağ qarışığını əlavə edib çalmağa davam edin. Un əlavə edib tez qarışdırın. Yumurta ağını bərkiyənə qədər çırpın. Tədricən qalan şəkəri əlavə edin və şəkər həll olunana qədər çırpmağa davam edin. Çırpılmış yumurta ağını yumurta sarısı qarışığına əlavə edin.
Addım 3: Xəmiri bişirin.
Xəmiri kənarları açılan yağlanmış formaya (Ø 20-22 sm) tökün. Əvvəlcədən isidilmiş sobada 160°C-də (140°C fan, qaz 2) təxminən 35 dəqiqə və ya xəmirə batırılmış şiş quru çıxana qədər bişirin. Tortu formadan çıxarmadan soyumasını gözləyin.
Addım 4: Tortu dekor edin.
Meyvələri yuyun. Şaftalıları dilimləyin. Tortun üzərinə şaftalı dilimləri və qırmızı qarağat bərabər paylanır, şəkər tozu səpilir və süfrəyə təqdim edilir.
Başlayanlar üçün şokoladlı peçenye.
1930-cu illərin sonlarında ABŞ-da Ruth Wakefield tərəfindən yaradılmış şokoladlı peçenyelər doğulduğu ölkədən çox-çox uzaqlarda sevimli desert halına gəldi. Bizim tərifimizlə siz Bosch sobanızda asanlıqla şokoladı parıldayan, çölü xırtıldayan, içərisi yumşaq olan bir ləzzət yarada bilərsiniz.
Addım 1: 12 ədəd peçenye üçün inqrediyentlər.
- 250 qr yumşaq kərə yağı
- 100 qr şəkər
- 150 qr qəhvəyi şəkər
- 1 ç.q. vanil ekstraktı
- 2 ədəd yumurta, M ölçüsü
- 360 qr buğda unu (növ 405)
- 1 ç.q. qabartma tozu
- 1 çimdik duz
- 200 qr şokolad parçaları
Addım 2: Xəmiri hazırlayın.
Sobanı 180°C yuxarı/aşağı istiliyə qədər qızdırın (konveksiya sobası: 160°C). İki soba nimçəsinin üzərinə bişirmə kağızı çəkin.
Yumşaq kərə yağını iki növ şəkərlə krem halına gələnə qədər bir neçə dəqiqə ərzində çırpın. Vanil ekstraktı və yumurta əlavə edin və tez qarışdırın. Un, qabartma tozu və duz əlavə edərək qarışdırın, sonra yumurta və yağ qarışığına əlavə edin və xəmir yoğurun.
Gözəl teksturalı xəmir yaratmaq üçün xəmir qarmağı və OptiMUM mətbəx maşınlarımızldan istifadə etsəniz yanılmarsınız . Üç istiqamətdə qarışan planetar qarışdırma sistemi sayəsində hər şey mükəmməl olur. Bundan əlavə, Smart Dough Sensoru hətta böyük partiyalarla işlədiyinizdə belə sabit qarışdırma sürətini təmin edir.
Taxta qaşıq və ya spatula ilə təxminən 180 qr şokolad qırıntısı əlavə edin.
Addım 3: Xəmiri bişirin.
Dondurma çömçəsindən istifadə edərək xəmiri təxminən 12 top halına salın. Onları əllərinizlə dairələr şəklində düzəldin və yüngülcə aşağı basaraq bir soba nimçəsinə yerləşdirin. Hər biri arasında kifayət qədər boşluq buraxın, çünki onlar genişləyəcəklər. Bir soba nimçəsində təxminən 6 ədəd peçenye bişirməyinizi tövsiyə edirik.
Qalan şokolad qırıntılarını xəmir toplarının üzərinə səpin və yüngülcə basdırın. Peçenyeləri əvvəlcədən isidilmiş sobada təxminən 10-12 dəqiqə ərzində bişirin. Kənarlar çox tünd olmamalıdır, peçenyelərin mərkəzi hissəsi isə bir az nəm görünə bilər.
Addım 4: Peçenyeləri çıxarın.
Peçenyeləri sobadan çıxarın və soba nimçəsində təxminən 10 dəqiqə sərinləməsini gözləyin. Sonra bir spatula istifadə edərək ehtiyyatla soyuducu rəfə köçürün. Peçenyelər soyuduqca bir az sərtləşəcək.
